Fondacija Enver Maliqi

FONDACIONI ENVER MALIQI

PROEKTE

Punonjësit e Gemak-ut, me ndihmën e Fondacionit Enver Maliqi, organizuan një eko-aksion për mbjelljen e pemëve në rrethin e SOS Fshati i Fëmijëve Maqedoni

LAJME

Një kapitull i ri për mësimin në Ferizaj!

Misioni, Vizioni dhe Vlerat

Misioni

Misioni i Fondacionit Enver Maliqi është të kontribuojë në zhvillimin e një shoqërie më të barabartë, tolerante dhe solidare në Republikën e Maqedonisë së Veriut.

Si Fondacion, kemi sfida të mëdha përpara nesh. Jemi të sigurt se do të arrijmë të bëjmë ndryshime dhe të jemi një shembull i mirë për krahasim, që të motivojmë kompanitë tjera shoqërore të përgjegjshme dhe të ndërgjegjshme për të bërë më shumë për komunitetin.

Vizioni

Vizioni i Fondacionit “Enver Maliqi” është që të punojë me përkushtim për një shoqëri në të cilën qytetarët do të mësojnë të marrin përgjegjësi dhe të kuptojnë fuqinë e bashkimit, të kërkojnë zgjidhje për problemet sociale, mjedisore, ekonomike, arsimore dhe të lartësojnë artin dhe kulturën.

Fondacioni i përkushtohet kujdesit dhe fuqizimit ekonomik të qytetarëve në rrezik social, me theks të veçantë tek të rinjtë dhe fëmijët. Ai kërkon të nxisë solidaritetin dhe frymën e komunitetit në shoqëri përmes zhvillimit të filantropisë.
Fondacioni do të kontribuojë në zhvillimin e një shoqërie më të barabartë, tolerante dhe solidare në Maqedoni dhe Kosovë.

Çka dëshirojmë të bëjmë

Familja e Enver Maliqit themeloi Fondacionin për nder të njeriut të madh, humanistit, profesionistit, babait dhe bashkëshortit të përkushtuar, vizionarit, filantropit, biznesmenit të suksesshëm, mikut dhe shokut.

Fondacioni "Enver Maliqi" do të vazhdojë aty, ku kanë mbetur veprat e mira të Enverit dhe do t'i japë dorën çdo individi, artisti, institucioni, shoqate, që bën ndryshime në sfera të caktuara të jetës.

Ne besojmë fuqishëm, se përgjegjësia individuale është e nevojshme për të mirën e shoqërisë në tërësi.

Do të njohim projektet që do të jenë në përfitim të komunitetit. Do të promovojmë vlera që respektojnë natyrën, reduktojnë ndryshimet klimatike, projekte që janë me interes të veçantë nga sfera artit, kulturës dhe arsimit, si themel i çdo shoqërie të shëndetshme.

Ne besojmë fuqishëm se asnjë kompani nuk mund të jetë plotësisht e suksesshme pa qenë përgjegjëse ndaj komunitetit dhe pa punuar në sinergji me nevojat e shoqërisë në të cilën jetojmë.

Fondacioni do të shërbejë si shembull pozitiv dhe frymëzim për të tjerët, për përfshirje edhe më të madhe dhe punë me përgjegjësi shoqërore, si mision i përbashkët i gjithë komunitetit të biznesit.

Në përkujtim...

Fondacioni "Enver Maliqi" i kushtohet njërit prej humanistëve dhe filantropëve më të mëdhenj shqiptarë, themeluesit të Gemak Trade, njërit prej biznesmenëve më me ndikim të regjistruar në Odën Ekonomike të Maqedonisë së Veriut.

Ai nuk ishte një njeri i zakonshëm, kishte aq shumë dashuri për të gjithë, vizionar, punëtor, mik, dinte çfarë të bënte dhe kur dikush dështonte dhe kur dikush ia dilte. Ai gëzohej për sukseset e të tjerëve, si dhe të tijat.

Enver Maliqi u lind më 10 shkurt 1952 në zemër të Shkupit, në Çarshinë e Vjetër të Shkupit, në një mjedis multietnik dhe multifetar. Edhe pse jeta dhe detyrimet e dërguan në vende të ndryshme të botës, në fund ai kthehej gjithmonë në shtëpi, në Shkupin e tij. Si një njeri që e donte qytetin e tij dhe ku kaloi momentet më të bukura të jetës së tij, me dëshirën por edhe detyrimin për t'ia shpërblyer të gjitha gjërat e bukura që i dha qyteti, Enveri e kreu me shumë sukses detyrën e nënkryetarit të Bashkisë së Qytetit të Shkupit.

Ai gjithashtu, me krenari kontribuoi si konsull nderi i Meksikës në Republikën e Maqedonisë së Veriut.

Ai ndante çdo moment me familjen, miqtë dhe kolegët, por edhe me punonjësit e tij. Ai la pas pasurinë e tij më të madhe, familjen dhe rrugën që duhet të ndjekin të gjithë. Të respektojmë njëri-tjetrin dhe të duam çdo moment të jetës, të jemi njerëz të mirë dhe të mos ndalojmë së përmirësuari. Na la një përgjegjësi të madhe për të vazhduar veprat e tij, misionin e tij dhe madhështinë e njeriut që mbante brenda.

Krahas të gjitha bizneseve të tij të suksesshme, Maliqi e konsideronte familjen e tij, si thesarin më të madh.

Enver Maliqi vdiq më 1 dhjetor 2021, duke lënë pas shumë detyra të papërfunduara, për të cilat pasardhësit e tij do të vazhdojnë aty ku e la.